Բարի գալուստ LunaBeauty.am !

Այստեղ դուք կարող եք գտնել ողջ աշխարհում մեծ համբավ վայելող կոսմետիկայի լայն տեսականի՝ արտադրված հիմնականում Հարավային Կորեայում:

Հարավային Կորեան կոսմետիկայի խոշորագույն արտադրողներից մեկն է աշխարհում, և նրա արտադրանքը հայտնի է իր բարձր որակով և նորարարական բանաձևերով:

Մենք գիտենք, որ մաշկի առողջությունն ու գեղեցկությունը կարևոր են յուրաքանչյուր մարդու համար, ուստի առաջարկում ենք միայն լավագույն կոսմետիկ միջոցները, որոնք անցել են բազմաթիվ թեստեր և պատրաստված են բարձրորակ բաղադրիչներից:

LunaBeauty.am-ում դուք կգտնեք այն ամենը, ինչ ձեզ հարկավոր է մաշկի խնամքի համար՝ մաշկը մաքրող, խոնավացնող, սնուցող և պաշտպանող միջոցներ: Մենք առաջարկում ենք նաև մազերի կոսմետիկա, ինչպես նաև դիմահարդարման միջոցներ:

LunaBeauty.am-ում ներկայացված ամբողջ կոսմետիկան առանձնանում է բարձր որակով և մատչելի գնով: Մենք առաջարկում ենք միայն օրիգինալ արտադրանք, որը չի պարունակում վնասակար քիմիական նյութեր:

Հուսով ենք, որ դուք գոհ կլինեք` մեր առցանց խանութից գնելիս, և բարձր կգնահատեք արագ առաքումը և վճարման հարմարավետությունը: Հարցերի կամ առաջարկությունների դեպքում խնդրում ենք կապվել մեզ հետ էլ.փոստով:

Շնորհակալություն LUNA Beauty-ին ընտրելու համար և մաղթում ենք Ձեզ մնալ գեղեցիկ և առողջ:

Սիրով՝ ձեր LUNA ❤︎

Մաշկի պաշտպանություն վնասակար ուլտրամանուշակագույն ճառագայթներից՝ SPF միջոցների օգնությամբ:

SPF (Sun Protection Factor)՝ ինդեքս, որը ցույց է տալիս մաշկի պաշտպանության մակարդակը արևի վնասակար ուլտրամանուշակագույն ճառագայթներից: SPF-ով միջոցների օգտագործումը շատ կարևոր է, քանի որ դրանք օգնում են պաշտպանել մաշկը ուլտրամանուշակագույն ճառագայթման հետևանքով առաջացած վնասներից:

Արևի ճառագայթները կարող են առաջացնել մաշկի բազմաթիվ խնդիրներ, այդ թվում ՝ չորություն, կնճիռներ, պիգմենտացիա, արևայրուք և նույնիսկ մաշկի քաղցկեղ: SPF-ով միջոցների օգտագործումը օգնում է կանխել մաշկի վնասը և նվազեցնել այդ խնդիրների առաջացման ռիսկը:

SPF-ով միջոցների օգտագործումը կարևոր է ոչ միայն ամռան շոգ օրերին, այլև ցուրտ եղանակին, քանի որ ուլտրամանուշակագույն ճառագայթները կարող են ներթափանցել նույնիսկ ամպերի միջով:

SPF-ով միջոցները կարող են ներկայացված լինել տարբեր ձևերով. դրանք կարող են լինել լոսյոններ, քսուքներ, սփրեյներ, գելեր, սթիքեր և շատ ուրիշներ:

Առանձնացնենք հետևյալները.

1. Քսուք և լոսյոն՝ արևապաշտպան միջոցների ամենատարածված ձևաչափ, որը սովորաբար ունի խիտ հյուսվածք և հեշտությամբ տարածվում է մաշկի վրա: Քսուքները կարող են պարունակել լրացուցիչ բաղադրիչներ, ինչպիսիք են հակաօքսիդանտներն և խոնավեցնող բաղադրիչները:

2. Սփրեյ՝ արևապաշտպան միջոց, որը նուրբ միսթի տեսքով տարածվում է մաշկի վրա: Սփրեյներն ավելի հարմար և արագ է կիրառել մարմնի ավելի մեծ տարածքներում, ինչպիսիք են մեջքը և ոտքերը:

3. Արևապաշտպան սթիք. արևապաշտպան միջոցների նորագույն ձև՝ կոշտ սթիքի տեսքով, որն առաջին հայացքից նման է շուրթերի բալզամին։ Արևապաշտպան սթիքը մի քանի առավելություն ունի ավանդական արևապաշտպանիչ միջոցների նկատմամբ: Նախ, այն կոմպակտ է և օգտագործման համար հարմար, քանի որ այն կարող է հեշտությամբ տարածվել մաշկի անհրաժեշտ հատվածների վրա՝ առանց այլ տարածքների վրա անցնելու: Երկրորդ՝ որոշ արևապաշտպան սթիքեր օգնում են վերահսկել սեբումի արտադրությունը՝ պահպանելով թավշյա ավարտը, ինչը այն ավելի հարմար է դարձնում առօրյա կյանքում օգտագործելու համար:

Արևապաշտպան միջոցների ընտրությունը կախված է մի քանի գործոններից, ներառյալ ձեր մաշկի տեսակը, արևի ազդեցության ինտենսիվությունն ու տևողությունը, ինչպես նաև արտադրանքի հյուսվածքի և բանաձևի վերաբերյալ Ձեր անձնական նախապատվությունը:

Ահա մի քանի խորհուրդներ, որոնք կօգնեն Ձեզ ընտրել ճիշտ արևապաշտպան միջոց:

1. Ուշադրություն դարձրեք SPF և PA գործոններին. SPF-ն (Sun Protection Factor) ցույց է տալիս B տիպի ուլտրամանուշակագույն ճառագայթների պաշտպանության մակարդակը, իսկ PA գործոնը՝ A տիպի ուլտրամանուշակագույն ճառագայթների պաշտպանության մակարդակը: Օգտագործեք բարձր SPF (30 և ավելի բարձր) և բարձր PA (PA++++) պարունակող ապրանքներ, հատկապես, եթե պատրաստվում եք երկար ժամանակ լինել արևի տակ:

2. Ընտրեք այնպիսի ապրանքներ, որոնք համապատասխանում են Ձեր ապրելակերպին. եթե նախատեսում եք սպորտով զբաղվել կամ լողալ, ընտրեք հարմար ձևի արևապաշտպան միջոցներ, օրինակ՝ սթիքը: Եթե լեռներում կամ լողափում եք, ընտրեք պաշտպանության ավելի բարձր մակարդակ ունեցող ապրանքներ:

3. Ստուգեք բաղադրությունը. Ուսումնասիրեք արևապաշտպան միջոցների բաղադրիչները՝ մաշկի տհաճ ռեակցիաներից խուսափելու նպատակով:

4. Փորձեք տարբեր հյուսվածքներ. Արևապաշտպան միջոցները ունենում են տարբեր հյուսվածքներ, ինչպիսիք են քսուքները, լոսյոնները, գելերը և սփրեյները: Փորձեք տարբեր հյուսվածքներ՝ ընտրելու այն մեկը, որը լավագույնս համապատասխանում է ձեր մաշկին և հարմարավետ է ձեզ համար:

5. Թարմացրեք արևապաշտպան միջոցները. Մի մոռացեք ամեն 2-3 ժամը մեկ թարմացնել արևապաշտպան միջոցները, հատկապես եթե արևի տակ եք, լողում կամ քրտնում եք: Թարմացրեք միջոցը նաև լողանալուց կամ մաշկը սրբիչով սրբելուց հետո:

6. Օգտագործեք միջոցի բավարար քանակություն. Կիրառեք բավականաչափ արևապաշտպան քսուք՝ արևից լիարժեք պաշտպանություն ապահովելու համար: Դեմքն և պարանոցը ծածկելու համար սովորաբար պահանջվում է մոտ մեկ թեյի գդալ արտադրանք:

7. Արևապաշտպան միջոցն օգտագործեք ամեն օր. մի մոռացեք ամեն օր օգտագործել արևապաշտպան միջոցներ, նույնիսկ եթե չեք նախատեսում արևի տակ լինել: Ուլտրամանուշակագույն ճառագայթները կարող են ներթափանցել ամպերի և ապակիների միջով, ուստի դրանցից պաշտպանությունն անհրաժեշտ է տարվա ցանկացած ժամանակ:

Կարևոր է ընտրել այնպիսի արևապաշտպան միջոց, որը համապատասխանում է Ձեր կարիքներին և մաշկի տեսակին, ինչպես նաև ունի անհրաժեշտ SPF մակարդակ (պաշտպանիչ գործոն արևի ճառագայթներից):

Հուսով ենք, որ այս խորհուրդները կօգնեն Ձեզ ընտրել ճիշտ արևապաշտպան միջոց և պաշտպանել ձեր մաշկը ուլտրամանուշակագույն ճառագայթների վնասակար ազդեցությունից:

Սիրով՝ ձեր LUNA

Մաշկի խնամքի կորեական համակարգ. Բոլոր փուլերի ակնարկ:

Մաշկի խնամքի բազմաստիճան համակարգը մոտեցում է, որն օգտագործվում է կորեական մաշկի խնամքի մեջ: Այն ներառում է մի քանի փուլերի իրականացում՝ առավելագույն արդյունքների հասնելու համար։

Համակարգը սովորաբար ներառում է 10 քայլ:

1. Դիմահարդարման հեռացում. սկսեք դիմահարդարման հեռացումը հիդրոֆիլային յուղով կամ միցելյար ջրով: Դա կօգնի հեռացնել կեղտը և սեբումը, որոնք կարող են խցանել ծակոտիները:

2. Մաքրում. օգտագործեք մաքրող միջոց՝ դիմահարդարման մնացորդները և կեղտը հեռացնելու, ինչպես նաև հիդրոֆիլային յուղը կամ միցելյար ջուրը մաքրելու համար: Այս փուլը ոչ միայն հեռացնում է մակերեսային կեղտը և դիմահարդարումը, այլև նախապատրաստում է մաշկը հետագա խնամքի համար: Դեմքի լվացվելու գելի կանոնավոր օգտագործումը օգնում է պահպանել ծակոտիների մաքրությունը, բարելավել մաշկի հյուսվածքը և պատրաստում է այն հետագա ապրանքների ավելի լավ կլանման համար:

3. Էքսֆոլիացիա. Էքսֆոլիանտը /շերտազատող միջոց/ կօգնի հեռացնել մաշկի մահացած բջիջները և բարելավել դեմքի գույնը: Օգտագործեք մեղմ էքսֆոլիանտ՝ մաշկի գրգռումից խուսափելու համար:

4. Տոնուսավորում. տոները կօգնի վերականգնել մաշկի pH բալանսը և նախապատրաստել այն խնամքի հաջորդ քայլերի համար

5. Էսենցիա. էսենցիան ունի սնուցող հատկություններ և օգնում է խոնավացնել և սնուցել մաշկը: Այն պարունակում է ակտիվ բաղադրիչների բարձր խտություն, ինչպիսիք են վիտամինները, հակաօքսիդանտները և պեպտիդները: Էսենցիաները սովորաբար կիրառվում են տոնիկից հետո և շիճուկից առաջ:

6. Շիճուկ. շիճուկը խտացված միջոց է, որը պարունակում է ակտիվ բաղադրիչներ: Այն ունի թեթև հյուսվածք և արագ ներծծվում է մաշկի մեջ։ Շիճուկները կարող են պարունակել այնպիսի բաղադրիչներ, ինչպիսիք են հիալուրոնաթթուն, ռետինոլը և վիտամին C-ն, որոնք օգնում են պայքարել մաշկի ծերացման նշանների դեմ և բարելավել մաշկի կառուցվածքն ու երանգը:

7. Դիմակ. Կորեացի կանայք շատ են սիրում դիմակներ օգտագործել՝ մաշկը խոնավացնելու, սնուցելու և բարելավելու համար: Դիմակները լինում են տարբեր տեսակի՝ կտորից, հիդրոգելից, կավից և այլն: Դրանք պարունակում են բազմաթիվ օգտակար բաղադրիչներ, որոնք արագ և արդյունավետ ներծծվում են մաշկի մեջ:

8. Աչքերի շուրջ հատվածի քսուքներ. աչքերի շուրջ մաշկն ավելի զգայուն է, քան դեմքի այլ հատվածներում և ավելի նուրբ խնամքի կարիք ունի։ Աչքերի շուրջ հատվածի քսուքն օգնում է նվազեցնել այտուցը, վերացնել մուգ շրջանակները և պայքարել մանր կնճիռների դեմ։ Այն տարածվում է աչքերի շուրջ մաշկի վրա, կարող է օգտագործվել ինչպես առավոտյան, այնպես էլ երեկոյան:

9. Հիմնական խնամք. տարածեք խոնավեցնող քսուք ձեր դեմքին և պարանոցին՝ ձեր մաշկի խոնավության մակարդակը պահպանելու համար: Այս փուլն օգնում է ամրացնել խոնավությունը և պաշտպանել մաշկը շրջակա միջավայրի բացասական ազդեցությունից: Քսուքները լինում են տարբեր տեսակների՝ խոնավեցնող, սնուցող, պաշտպանիչ և այլն։ Քսուքի ընտրությունը կախված է մաշկի տեսակից և խնամքի կարիքներից։ Քսուքը տարածվում է դեմքին առավոտյան և/կամ երեկոյան՝ նախորդ բոլոր քայլերից հետո:

10. Պաշտպանություն արևից. վերջին քայլը արևապաշտպան միջոց կիրառելն է՝ ձեր մաշկը ուլտրամանուշակագույն ճառագայթների վնասակար ազդեցությունից պաշտպանելու համար:

Վերընշվածը մաշկի կորեական խնամքի 10 փուլերն են: Մաշկի խնամքի բազմաստիճան համակարգի յուրաքանչյուր քայլ կարևոր դեր է խաղում առողջ և փայլուն մաշկի հասնելու գործում: Բացի այդ, այս համակարգը օգնում է առավելագույն օգուտ քաղել կոսմետիկ միջոցների մեջ պարունակվող ակտիվ բաղադրիչներից:

Այս քայլերին պարբերաբար հետևելը կօգնի հասնել առողջ, խնամված մաշկի և երկար տարիներ պահպանել նրա երիտասարդությունն ու գեղեցկությունը:

Սիրով՝ ձեր LUNA

Glass skin "Ապակե" մաշկ։ Ինչ պետք է իմանալ բյութի թրենդի մասին:

Glass skin-ը բյութի թրենդ է, որը հայտնվել Է Հարավային Կորեայում և արագորեն հայտնի է դարձել ամբողջ աշխարհում: "Glass skin" տերմինը բառացիորեն թարգմանվում է որպես "ապակե մաշկ" և նկարագրում է այն էֆեկտը, երբ մաշկը կարծես ներսից փայլում է՝ միաժամանակ շատ հարթ և փայլուն լինելով՝ ապակու նման:

Glass skin-ի հիմնական գաղափարը փայլուն, առողջ մաշկի հասնելն է, որը հնարավորինս բնական և թարմ տեսք ունի: Ի տարբերություն բազմաթիվ այլ բյութի թրենդների, որոնք օգտագործում են մեծ քանակությամբ ապրանքներ, ներառյալ դեկորատիվ կոսմետիկա, glass skin-ը ավելի շատ ուշադրություն է դարձնում խնամքի հիմնական փուլերին:

Glass skin էֆեկտին հասնելու համար խորհուրդ է տրվում հետևել հաջորդիվ քայլերին.

1. Մաքրում. խնամքը սկսեք մաշկը մեղմ, բայց մանրակրկիտ մաքրելով՝ մաշկից կեղտը, ավելորդ սեբումը և մահացած բջիջները հեռացնելու համար:

2. Տոներ. օգտագործեք տոներ, որը կօգնի խոնավացնել և հանգստացնել մաշկը, նեղացնել ծակոտիները և նախապատրաստել մաշկը խնամքի հետագա քայլերի համար:

3. Էսենցիա. տարածեք ամպուլային խնամք, էսենցիա կամ շիճուկ, որը պարունակում է ակտիվ բաղադրիչներ, օրինակ՝ հիալուրոնաթթուն՝ ինտենսիվ խոնավեցման համար կամ նիացինամիդը, որն օգնում է հավասարեցնել մաշկի երանգը և լուսավորել պիգմենտային բծերը: Այս փուլը կարելի է լրացնել նաև գործվածքային դիմակով։ Դիմակը կօգնի սնուցել մաշկը և դարձնել այն ավելի հարթ և փայլուն:

4.Խոնավացում. Օգտագործեք թեթև քսուք կամ գելային խոնավեցնող միջոց՝ մաշկի խոնավությունը պահպանելու և արտաքին միջավայրի վնասակար ազդեցությունների դեմ պատնեշ ստեղծելու համար:

5. Պաշտպանություն: օգտագործեք բարձր SPF պարունակոց արևապաշտպան միջոց՝ ձեր մաշկը ուլտրամանուշակագույն ճառագայթներից պաշտպանելու համար: (SPF-ով միջոցներ օգտագործելու առավելությունների մասին՝ մեր հոդվածում)

Դրանից հետո կարող եք թեթև ամենօրյա դիմահարդարում անել «դիմահարդարում առանց դիմահարդարման» էֆեկտով։

Կարևոր է օգտագործել այնպիսի միջոցներ, որոնք կօգնեն խոնավացնել մաշկը, հարթեցնել դրա երանգը և փայլ հաղորդել:

Glass skin ոճով դիմահարդարվելիս կարևոր է հիշել մեկ բան՝ անհրաժեշտ է հրաժարվել դիմափոշու օգտագործումից կամ օգտագործել այն շատ զգույշ՝ նվազագույն քանակությամբ։ Բանն այն է, որ դիմափոշին կարող է մի փոքր չորացնել մաշկը և թաքցնել այն փայլը, որին ցանկանում ենք հասնել Glass skin ոճով դիմահարդարվելիս։ Փոխարենը, օգտագործեք խոնավեցնող միջոցներ և դիմահարդարում ամրացնող սփրեյներ՝ ձեր մաշկը հարթ և փայլուն պահելու համար:

Լրացուցիչ քայլ կարող է լինել հայլայթերի օգտագործումը՝ դեմքի ընդգծված հատվածները, օրինակ՝ վերին շրթունքը, այտոսկրերը և կզակը ընդգծելու համար:

Glass skin-ը մաշկի խնամքի մոտեցումն է՝ իդեալական նրանց համար, ովքեր սիրում են առողջ տեսք և թարմ դիմահարդարում:

Բայց գլխավորը, մի մոռացեք, որ glass skin էֆեկտին հասնելու համար կարևոր է ուշադրություն դարձնել ճիշտ սնվելու, առողջ ապրելակերպի և բավարար քնի վրա։

Սիրով՝ ձեր LUNA

Ինչպե՞ս խնամել մաշկը ամռանը.

Ամռանը մաշկը հատուկ խնամքի կարիք ունի, ամռանը մաշկը ենթարկվում է ուլտրամանուշակագույն ճառագայթների և բարձր խոնավության ազդեցությանը։ Ստորև ներկայացված են մի քանի խորհուրդներ, որոնք կօգնեն ձեզ պահպանել դեմքի մաշկի առողջությունը ամռանը:

1. Օգտագործեք արևապաշտպան միջոց։ Յուրաքանչյուր 2-3 ժամը մեկ ձեր դեմքին քսեք առնվազն 30 SPF պարունակող արևապաշտպան միջոց, հատկապես եթե արևի տակ եք: Սա կօգնի պաշտպանել մաշկը ուլտրամանուշակագույն ճառագայթներից և կանխել մաշկի վաղաժամ ծերացումը:

2. Խոնավացրեք ձեր մաշկը։ Ամռանը դեմքի մաշկը հաճախ չորանում է բարձր ջերմաստիճանի և ուլտրամանուշակագույն ճառագայթների պատճառով։ Օգտագործեք մաշկի խոնավեցնող միջոցներ, ինչպիսիք են հիդրոգելային քսուքները կամ էսենցիաները:

Որպես ամառային սեզոնի մաշկի խնամքի լրացուցիչ քայլ, խորհուրդ է տրվում օգտագործել դեմքի մաշկի համար նախատեսված միսթը:

Սփրեյ միսթը պարունակում է ջուր և լրացուցիչ ակտիվ բաղադրիչներ, ինչպիսիք են բույսերի հյութահանուքները, հիալուրոնաթթուն, ալոե վերան և այլ բաղադրիչներ, որոնք օգնում են խոնավացնել, հանգստացնել և թարմացնել մաշկը:

Սփրեյ միսթը կարող է օգտագործվել օրվա կամ գիշերվա ցանկացած պահին, իդեալական է օրվա ընթացքում մաշկը արագ թարմացնելու համար: Հատկապես ամառային սեզոնին, երբ դեմքի մաշկը կարող է չորանալ և ջրազրկվել: Սփրեյ միսթը կարող է օգտագործվել նաև շոգ եղանակին՝ մաշկը սառեցնելու, բորբոքումն ու գրգռումը նվազեցնելու և դիմահարդարումը ամրացնելու համար: Սփրեյ միսթը օգնում է պահպանել մաշկի խոնավությունը, պաշտպանում է ազատ ռադիկալների ազդեցությունից և բարելավում է մաշկի հյուսվածքն ու գույնը: Բացի այդ, միսթերը հարմար են ինքնաթիռում կամ ճանապարհորդելիս օգտագործելու համար, Երբ մաշկը լրացուցիչ խնամքի և խոնավացման կարիք ունի:

Բացի այդ, սփրեյ միսթը կարող է օգտագործվել որպես դիմահարդարման հիմք՝ մաշկը խոնավացնելու և այլ միջոցների կիրառման համար այն նախապատրաստելու: Այն կարող է օգտագործվել նաև դիմահարդարումը ֆիքսելու և վերջնական դիմահարդարմանը բնական փայլ հաղորդելու համար:

Կարևոր է ընտրել սփրեյ միսթ, որը համապատասխանում է ձեր մաշկի տեսակին և պարունակում է Ձեզ անհրաժեշտ բաղադրիչները: Օգտագործեք սփրեյ միսթը դեմքի մաքուր մաշկի վրա օրվա ընթացքում, երբ մաշկը լրացուցիչ խոնավացման և թարմացման կարիք ունի:

Այնուամենայնիվ, պետք է հաշվի առնել, որ սփրեյ միսթը չի փոխարինում մաշկի լիարժեք խնամքն և չի կարող փոխարինել տոներին կամ խոնավեցնող քսուքին: Դա միայն խնամքի լրացուցիչ քայլ է, որն օգնում է պահպանել մաշկի խոնավության մակարդակը ամբողջ օրվա ընթացքում:

Դեմքի սփրեյ միսթը հարմար և արագ միջոց է ձեր մաշկը ամբողջ օրվա ընթացքում թարմացնելու և խոնավացնելու համար: Այն կարող է օգտագործվել ինչպես մաշկի խնամքի ինքնուրույն միջոց, այնպես էլ որպես ամենօրյա կանոնավոր խնամքի հավելում:

Մի մոռացեք նաև շուրթերի պաշտպանության մասին։ Շուրթերը լրացուցիչ պաշտպանության կարիք ունեն ուլտրամանուշակագույն ճառագայթներից: Օգտագործեք շուրթերի արևապաշտպան բալզամ SPF-ով՝ դրանք արևի այրվածքներից և ջրազրկումից պաշտպանելու նպատակով:

1. Խուսափեք արևի երկարատև ազդեցությունից: Ավելի լավ է ժամանակ անցկացնել ստվերում կամ օգտագործել հովանոցներ և գլխարկներ՝ արևից պաշտպանվելու համար:

2. Խմեք բավարար քանակությամբ ջուր։ Կարևոր է մաշկը խոնավացնել ոչ միայն դրսից, այլև ներսից։ Խմեք բավարար քանակությամբ ջուր՝ ձեր մաշկի խոնավացման մակարդակը պահպանելու համար:

Հետևելով այս խորհուրդներին՝ դուք կօգնեք ամռանը պահպանել դեմքի առողջ և խոնավեցված մաշկը:

Հոգատարությամբ՝ Ձեր LUNA!